大嶼山浪茄~~part 1

5月10日

 

星期日我們又去一個新地方玩!
就是人地話有大嶼山浪茄既地方?!

 

 

奶茶爸起初對我說時，我都不知在那裡…他說這海灘好靚又好少人去(我們喜歡少人的地方~) 所以我們今次決定去視察和玩一番!

 

去之前要行一公里既路…微斜又要落石級，加上天氣好熱，行得都幾辛苦。但當見到個靚靚沙灘時，真係唔緊要啦~

 

奶茶菠蘿油成日聞地…跑來跑去…雖然我地已經3點幾去， 但一樣炎熱，對奶茶菠蘿油來說真的熱了一點!

 

沿路有好多牛屎…要小心!但奶茶菠蘿油就不知牛屎係甚麼，聞左好耐~

 

要落石級啦~奶茶細小，石級又高，又要跑來跑去，行得好辛苦咁~

 

菠蘿油一支箭咁跑左去!

終於見到海灘，好靚呀!

奶茶開心到彈下彈下~

 

奶茶：發現有其他狗呀~

 

今日都有幾個外國人黎玩~好彩不太多人，個灘真的好正!

 

有其他人都帶狗狗去游水!

 

 

菠蘿油喜歡在沙灘跑來跑去~

 

 

這隻狗狗好喜歡奶茶~成日追住奶茶~

 

 

話咁快成身都係沙~~~回家洗了很久~~~

 

這個外國人同奶茶爸傾左好耐， 原來他之前的狗狗都係HKDR領養番黎架~

 

 

這隻係billy，他主人話billy原本住梅窩， 被前主人日日打，所以他向舊主人要求養billy， 那主人好好啊!

 

 

由於奶茶有得游水水就叫極都唔番，攰又唔抖，所以奶茶爸全程睇實個傻妹~

 

 

奶茶要試水水先~

 

奶茶爸和奶茶游左好耐~

 

奶茶真的很喜歡海呀~

 

奶茶：好開心呀!

 

菠蘿油呢…多數在沙灘搵食~(因為有人會在這裡紮營，有很多「遺物」~~

有時菠蘿油都會落水，但一有浪，就番轉頭~

 

菠蘿油：都係唔好搞我啦~

 

奶茶好開心，仲典來典去~菠蘿油就食緊野~唔知佢食咩~

 

仲有part 2~~~

大嶼山浪茄~~part 2

奶茶好努力游架~~

由於這個海灘有時好大浪，所以奶茶要成日撲浪~

原來奶茶還懂得surfing~~~

surfing dog~~~

一邊游，一邊撲~

游到好出呀~

菠蘿油好努力聞~~

奶茶：你聞咩呀，我又聞~

這兩位小朋友，起初玩下沙，之後去了游水…不過連泳衣都脫掉…小朋友真係小朋友~

奶茶菠蘿油都飲了很多海水…

奶茶：我要游得快d，快過隻船~

菠蘿油好喜歡在沙灘狂奔~~但一見到無著衫衫既小朋友就停了~

差不多2個半小時，我和奶茶爸都攰了。

於是決定回程。

回程時，見到一個怪現象，就是發現很多牛牛，奶茶菠蘿油都好驚驚~

奶茶：咩黎架~

行緊黎啦~~

行到黎啦~~~

大隻過菠蘿油幾多~~菠蘿油仲要走埋去聞牛牛鼻鼻~

還是走吧~~~

在士多吃了個非常好味 (當時超級肚餓!!)的餐蛋麵，正!!!

奶茶菠蘿油無份~~

回家兩隻都好攰了~~

吃飽便睡了~~

2號池游水水~

5月10日 星期日

今日天氣炎熱，奶茶爸決定去游水水。去邊樹游，就是山上的2號池啦 (其實都游過好幾次~)。平時1號池好多人游，狗狗想去游會被人鬧…所以我們帶奶茶菠蘿油去游水都去2號池，雖然無1號池咁大咁深，但足夠奶茶游水就得啦! (因為菠蘿油唔游架~)
 

一見到水，奶茶又衝落去啦~

菠蘿油最喜歡在石度跑來跑去~

菠蘿油被奶茶爸捉落水~勁想逃走~

原來菠蘿油都游得好好架!

唔好以為佢地一齊游，好sweet~其實菠蘿油趕緊游上岸~

 

菠蘿油：走得快好世界~

奶茶：一齊游啦~~~~

奶茶：我自己努力游先~

菠蘿油：安全~

奶茶：好舒服呀!

奶茶游下又跑下，勁開心!