看見奶茶的傷，我真的有點嬲菠蘿油，我知我唔可以咁……牠妒忌心實在太重了。我地對奶茶好，牠經常看不過眼，常常咬奶茶的手腳，又唔太聽我話，只怕daddy。現在daddy將牠們分開，一個屋內，一個屋外。菠蘿油和奶茶打架，牠勝利，牠覺得應該得到多點的愛和所有「優先權」(如吃飯先、主人摸牠先、玩具全部是牠的等)，而奶茶亦認了自己是家中的弱者。所以每次我們餵茶食飯先，菠蘿油就會怒「bear」佢，我看得出奶茶好驚，牠不夠膽吃…我同奶茶講：「唔洗驚…」但牠最終都唔敢…好慘呀…我和daddy都唔想奶茶比菠蘿油蝦到無理神氣…但daddy話呢個係狗既生活模式，強弱之分，但我好唔忍心。
我們愈照顧奶茶，菠蘿油就愈兇奶茶，奶茶想飲水、想食野、玩玩具，菠蘿油樣樣都要去阻住佢，真唔明，之前好好架。最近連奶茶想在毯上睡覺，佢都要拉奶茶起身…可憐的奶茶…依家經常縮埋一角，尋日仲躲在床下低…應該點做好?
以前的奶茶行步路都挺胸收腹，很有霸氣的，依家…我唔想咁樣呀…點做先好???
我地暫時將佢兩個分開……但菠蘿油好似唔喜歡我地錫奶茶，老時很兇的望奶茶…主人鬧都無用，呢d可能係狗狗們的階級。
奶茶在家中，都時常躲在一角…
奶茶咁可憐，我就愈錫佢，但唔知菠蘿油會唔會更嬲佢…我真係唔知點做?
奶茶連廳都唔敢瞓，躲在廚房…叫佢又唔出來。(佢坐得好可愛!)
沒有留言:
張貼留言