奶茶唔見左T-T

因為前一晚同左奶茶沖涼，所以佢唔見左時無帶頸圈架…我驚人地以為佢係流浪狗呀…

放工時，突然收到奶茶爸的電話：

奶茶爸：唔…那…你唔好驚呀……

我：吓…乜野事呀?

奶茶爸：奶茶唔見左……

我：吓…點解會咁架……

奶茶爸：搵勻都唔見佢呀，唔0係花園，唔知去左邊…

晴天霹靂的惡號!!!

奶茶爸：我依家出去搵佢……(cut左線)

此刻的心情百感交集，我甚麼都想唔到，我可以點做???個心好亂，眼淚快要流出來…

我又唔0係屋企，我甚麼都做唔到…

已經個多小時了，奶茶爸都沒有覆我，我好擔心，既擔心奶茶唔知去左邊，有乜事，又擔心咁夜唔知奶茶爸點…惟有打電話向朋友傾訴…在心中不停向天祈求奶茶無事…自己回家…唔好比人捉左…唔好比其他狗蝦…唔好行馬路…唔好有事…乖乖回家…天色愈來愈黑了，還有機會下雨……

兩小時已過，奶茶爸仍未有消息…我和爸爸已預備去東涌搵奶茶…

此時，奶茶爸致電來了…

奶茶爸：奶茶番左黎啦!!

我：真既?(眼淚即刻如河流般湧出來)邊度搵到佢呀?佢點呀??

奶茶爸：我帶住菠蘿油行勻整個東涌了…地鐡，逸東，赤臘角村…都搵過，搵極都搵唔到，最後回家…竟然見到奶茶的物體在花園…我還以為係我眼花…後來見佢擺尾，我先知無眼花…原來個奶茶自己番左屋企……

真係太好了，嚇死我了，奶茶好頑皮呀，令到我、奶茶爸、大孖、阿mi、麥家、錢家上下都為佢擔心!!!!我連飯都食唔落，個心好亂，無左奶茶我真的唔知會點……一想到呢點就想喊…

多謝莉莉奀和單眼藍仔關心…好彩無事咋!!!!!!

奶茶以後唔準再咁嚇媽媽呀!!!我地都好錫你，好擔心你架!!!

辛苦你了奶茶爸!!我知你好擔心奶茶，又怕我傷心……你好好呀，好叻呀!!!仲有菠蘿油都辛苦了，要行勻東涌，乖!!!

依家終於可以放鬆了

飲番杯定驚茶先…

奶茶：我番黎啦!