診所篇~

前日我們又帶左奶茶去睇醫生，每次去診所體驗都很多。在我地無事幹的時候，主人們都愛傾兩嘴。

今次撞番好耐之前(奶茶仲係好細時見過的)老虎狗主人，佢主動同我地講野先記得佢咋，佢的狗狗又係有有皮膚病，講下講下，我地隔離的北京狗主人的狗狗又係有皮膚病，成間診所中的狗狗就有4隻有這類問題…唉…不過呢個天氣加上香港潮濕，真係好容易有這個問題，醫生話要保持地方乾爽，真係要小心!!!

講下講下，北京狗主人提起寵物店，依家真係有好多無良的寵物店(可能有d好的)，佢話之前帶左佢的狗狗去剪毛沖涼，點知回家後發現加狗狗的皮膚底層有個大傷口，應該係寵物店的人硬來所致…真陰功。另一個狗主又話：「係呀，上次我經過一間寵物店，佢地用好殘忍的方法同狗沖涼，就係用條大麻繩將狗狗吊起來(即好似吊頸咁，唔係綁住!!!!)…佢地見我望到，即刻拉窗簾…」話!!咁殘忍，就算狗狗掙扎都唔洗吊佢地頸呀…太可惡啦!