近來很忙，因為公司有活動要搞，而且又要改版…
最辛苦係，我又開學啦。
一開學又有功課，每日番屋企真係好攰…
所以少左探各位blog友…
-------------------------------------------------------------------------------------------------------------------------
農曆年期間，我和家人回鄉探親過年，最主要是探90多歲的嫲嫲和婆婆!!
回鄉，例牌吃、吃和吃…
7點起床去飲茶，12點又吃午飯…6點幾又吃晚飯 …10點再吃粥作宵夜…真係淨係食和瞓…在鄉下又真係無乜野做…
好彩我新年期間無食年糕和角仔…唔係真係…增磅不少!
年初二我地去左探外婆，同佢傾下偈和影下相，吃個飯 ，見佢身體咁好，都好開心。
我仲同婆婆的貓貓、狗狗玩左一陣…好開心!佢地好可愛呀! !希望佢地健健康康!!
隻貓貓好乖好靜，可能因為天氣凍…鄉下得2-3度…佢坐0係門附近 ，好優雅。
呢隻狗女好好笑，我一摸佢就會瞓低，露肚仔，好得人鍾意呀!
小狗女有對橙色眼睫毛架，幾靚女!!
小狗女真係好可愛，佢好厚毛，好暖!!
好想抱住佢!!
沒有留言:
張貼留言