2008年4月6日 星期日

與同事行山

這3日奶茶爸出trip去台灣…我都好想去…照顧佢兩隻的責任就交比媽咪啦

4/4

當日大概六點幾入到去,雖然得我一個在家睇住佢兩個,好彩佢兩個都好乖,奶茶仲陪媽咪睇電視,但唔知點解睡得唔太好…

5/4

一早起床又要番工,唔夠瞓,好辛苦。

早前公司有兩個同事一路好想入去東涌行山,其中一個同事更指定要帶埋奶茶菠蘿油…所以放工後有就實行這個特別旅程。

初時我地想行一條新路線的,就是由東涌行去梅窩,但由於時間不許可,所以決定行番我和奶茶爸平時行的路線---東涌去深屈。我地差不多4點先起行,所以都預左行一陣,同事志在見下佢地。但今次帶佢兩個行山,仲要奶茶菠蘿油跟兩個第一次見面的同事一齊行,我都有點擔心…

好彩,佢兩個都幾乖,同我同事都好啱key,行起黎無乜問題…由於同事s好喜歡大狗,特別是德國牧羊,所以佢好喜歡菠蘿油,全程幾乎由佢拖住菠蘿油,同佢鬥足全程力~~~

這個行山路我地行過好多次,次次都無乜問題,唔知點解今日遇到好多麻煩,就是遇到其他狗狗。

起步十分鐘就見到一隻黑色狗公,不停跟住我地,我和兩個同事要好惡趕佢,好耐佢先肯走。

跟住去到惡狗和狗bb的地方,早知會有此地點,但無想過,狗b都成犬了,而且多了隻大黑狗…麻煩,遇到四隻狗,兩隻好惡,兩隻好熱情…搞到我和同事都好驚有事…但要行山又必須經過呢條路…所以我就膽粗粗,抱起奶茶先與同事a行過呢群狗,再在適當位置等候…我再回去與同事s夾住菠蘿油在中間,越過牠們…平時菠蘿油唔驚佢地架,今次就驚到尾都縮埋…

越過狗狗們,佢地無追來,我繼續行…順利行左一個多小時,以為無乜野,點知又遇到一隻咸濕狗…又想衝向我地…真係煩…所以最後我地決定回程…到回家的路中,我地又遇到一隻史納莎和一隻北京狗和兩隻流浪狗……洗唔洗咁熱鬧呀…

因為奶茶菠蘿油對其他狗都唔吠,又係咁扯繩,蕉蕉蕉…真係麻煩…

奶茶菠蘿油今日又特別多屎屎…搞到我今日「呢咁hea」…仲要將惡相(趕狗時,雖然同事s一樣咁惡~~~)表露無遺~

明天奶茶爸就回來,好掛住你呀

沒有留言:

張貼留言