福麵=小寶

(福麵d毛好靚，好卷，好滑架~)

我家早前又來了一隻小狗，這隻曲架，我地幫佢改了個名：福麵。

因為我地要配合奶茶菠蘿油嘛。

福麵，已經有12歲啦。

事源有一日，我和奶茶爸如常帶奶茶菠蘿油去行街街。突然我見到一隻小狗在遠處行來行去，又衝出馬路。於是，我和奶茶爸行前一看，發現了福麵。起初，我地見佢年紀應有8-10歲，想了想，不會是遺棄吧……於是都係不忍心，將佢帶回家了。

福麵好乖，好嗲，好跟人，成日用個下巴仔「浪」係我個大脾上，好sweet

可能流浪了幾日，所以佢好肚餓和口渴，餵左佢食野，佢就好開心周屋行!

不過奶茶就唔太喜歡佢，成日對佢E牙仔，菠蘿油仲吠佢tim。不過，佢地都係得把聲，對福麵又無乜野，緊係怕失寵

我地見福麵個身好乾淨，條頸帶又好靚，心想，應該有人養的，可能是走失，於是奶茶爸第三日帶福麵去診所check晶片，好彩!!!!佢有晶片架，透過麻煩的漁護署，終於搵到佢主人，佢主人仲即刻過黎接福麵，真係太好了!!

原來福麵，真名是小寶…

(據奶茶爸描述，福麵一見番主人，開心到係咁撲和擺尾)

主人指佢走失過一次架啦，之後搵番。

福麵主人之前住我地附近的村屋，後來搬左去遠d的地方。鑒於福麵對「大大」好有要求，所以成日掛住以前屋企去「大大」的地方…所以曾偷走出去…

福麵真係好可愛，我好喜歡佢，雖然只係相處了幾日。

希望佢生活快樂又健康，唔好再走失了!!!