這兩日Daddy要出trip去澳洲,於是照顧兩隻狗狗的責任就交比媽咪了。
第一日
今日特別為了早d回家照顧佢兩個,選擇性早了放工。幸好老世番左鄉下,我早一點走都不覺……原來我6點多放工回家都要八點多。一個人走在陰暗的街道上,初時是有點怕怕,但一見到菠蘿油,真的不用驚了。我要應付佢的流星拳都無暇怕黑了。真係難為了Daddy…原來照顧佢地一點都不易。大的撲上來,細的又要抱抱…可憐的「兩姐妹」,一個飲哂水無水飲勁口渴,一個肚餓到一粒糧都無得剩…回到家中…拾便便…拖地…餵食…拾屋…woo…佢兩個…有時都幾乖,可能太耐無見主人,我倒糧比佢地都無食…只要我摸佢地。(當然有爭寵)
見好耐無比小食佢地,我請了佢兩個一人一骨頭,眼見菠蘿油食完,咪放佢入屋玩下,點知佢一入屋就咬住奶茶,原來奶茶仲未食完…弊…兩個咬住左個骨頭點都唔放,仲認真打起上黎,我最怕睇到佢地打架…奶茶當然不夠打,叫哂救命…好不容易終於將佢地分開,菠蘿油又無得入屋了…唉…我比番舊骨頭奶茶…佢都唔夠膽食了…都係我衰啦~

第二日
妹妹話想睇狗,於是過來陪我…佢一見狗狗們興奮的行為,真有點嚇怕。原本想晚上帶佢地出街,最終都沒有。呢日最令我驚訝的…是刷刷下牙的時間,從窗外看見菠蘿油從山上跑下來,呢隻野…原來成日上山跑…可惡。
為了罰佢,我ignore了佢好一會,點知到我望番出門口,唔見左佢,我出門口叫佢叫左好耐,佢都無反應…好了幾分鐘,聽到少少草叢聲,佢回來了,仲醒我一對流星拳…好「應」!真係嚇死我了!!!!!!兩個都好頑皮!!!!因為佢地好耐無出過街了,所以今朝六點幾,就同妹妹帶佢兩個出去。我地心裡最怕就係遇到流浪狗…結果一出門口不夠一分鐘,真係在馬路口撞到一群狗…其中一隻突然向住我地吠,我和妹妹死力拉住兩隻愛撩事鬥非的奶茶和菠蘿油,不斷向前行,好幾分鐘後先離開到那群狗的範圍…真險!!!跑了一回,終於都安全回到家中…奶茶就攰爆,菠蘿油就未夠喉~不過我要番工啦…明天再帶佢地行街街啦!經過今次,妹妹話:「下次未搞我,我來玩狗算了。」
照顧兩隻狗狗真的不容易,呢兩日我覺得自己惡左好多,可能係成日見佢地做錯野就鬧。
真係辛苦佢地的Daddy啦!
沒有留言:
張貼留言