為了唔比佢整到個傷口，所以菠蘿油要戴頭罩。
5月6 日對菠蘿油來說是一個重要而悽慘的日子，因為今日佢要做desex呀!
今日帶左奶茶和菠蘿油去睇醫生，奶茶今次要打第三支針。而菠蘿油就要做好多野，包括打3支針、desex、植晶片和切去狼趾，聽起來已恐怖…可憐的菠蘿油，做完手術出來就謝哂，要抱住回家…我和Daddy見到佢心都痛埋…做完手術佢無乜胃口，因為麻醉藥的關係，佢無哂胃口又嘔又攰…無理神氣，真的擔心死!佢的眼神更是令人傷心…因為佢好似哭過呢…眼紅紅。
當晚，我地都成日睇實佢…Daddy更是寸步不離。第二日，佢終於都好少少了…起碼可以行到。然而佢對個頭罩就好唔滿意，戴住頭罩的佢在家中不停撞，成部摌泥車咁~不時就係聽到佢「bingbingbambam」的聲……"都唔知傷心定好笑…不過佢都乖呀，無乜叫，只是老是跟住daddy，24小時不離身…
呢個傻妹真係要乖乖地，等傷口快d好番…加油…菠蘿油!!!!
你睇菠蘿油個樣幾可憐，真係心痛，不過真係唔可以除左個「喇叭」住呀!!!!
由於佢兩個的名字特別，診所的人都十分注意佢地。菠蘿油的名字更令眾人嘩然…更有人問我地家是否開茶餐廳的，好笑!!!!
當菠蘿油做手術的期間， 另一邊廂的奶茶就盡情地交朋友…
奶茶…佢呀，成為診所的「最受歡迎狗狗」，大概因為佢熱情的關係，面對邊個都搖頭擺尾，好多人都很喜歡佢(佢都唔知，知唔知邊個係佢主人~真係呀!)，不過佢的確好可愛既，咁多人鍾意佢，我地都好開心。佢成為診所內的「活躍分子」，仲留下了「深刻的印記」(尿尿)，佢對診所內所有野都有興趣，特別係d貓貓，又驚又要同貓貓玩。當佢見到兔仔時更加眼定定，Daddy話唔知佢係咪想食左隻兔仔……'(因為我地怕佢大便，所以打針前無餵佢食野)
奶茶好得意，佢咬咬下拖鞋見攰，用黎「浪」住。
奶茶陪我睇電視…
之前一晚同佢地去左跑步，佢地回家就睡了。
未接菠蘿油之前，我地去左食山西刀削麵，這碗係東坡肉刀削麵。
這個是豬軟骨刀削麵。刀削麵口感不錯，厚薄適中，而且好大碗，豬軟骨好稔好入味。
奶茶在診所認識了個小妹妹，小妹妹起初唔敢掂奶茶，後來變得好喜歡佢。
沒有留言:
張貼留言