奇怪的一天

今日身邊的同事都很有holiday mood，大抵是因為昨天和明天都有假期的關係…甚為懶散。
今早回到公司樓下，發現有大批的警察和消防員，心想：「有甚麼大事呀?」，回到公司才知，剛才有個痴佬上了公司持刀又淋火水…虛驚一場，最終無事。本來這件事是很可怕的，但同事間就以此為笑話，說了半天。的確這個痴佬又真的有問題，原來他上過來幾次，昨天上來已話要落廣告又話要見總編…但RECEPT姐姐同佢講：「今日放假(24號)，落廣告聽日來。」那痴佬好聽話，卒之今日九點準時上OFFICE……

食飯時間去了大家樂…最後大家都不快樂兼食唔飽…就算是有方力申「坐鎮」都無面比。
我叫了個燒肉五寶飯，點知哥哥仔話：「無哂燒肉，搭其他野比你…」最後五寶變三寶，燒肉變肥膏，無啖好食。同事們的意粉唔好得幾多，無味又夠凍，熱食變冷麵…卒之食了一半放棄。遲來的同事更說：「知嘛，你個燒味飯是最後的了，依家出面個水牌得番咖哩牛腩，無野揀啦!」唔係掛…太差勁了…第一次搞到個個都食唔飽番公司~