事源有一日我和奶茶爸吃完飯，奶茶爸去左洗碗，我和奶茶菠蘿油玩…突然奶茶走左去廚房吠…後來發現，佢聽到奶茶爸卒碟聲之故，所以我要奶茶爸「案件重演」，哈哈!!!
呢個奶茶爸，叫佢洗碟姐，佢搞到好有節奏咁，但奶茶都被佢騙了!!!
2007年6月28日 星期四
2007年6月25日 星期一
第二支針
昨日奶茶打了第二支針…
每次到診所，除了交通費的問題，最麻煩就是：費時，我和奶茶爸到診所足足等了兩個半小時，或者可以說是快了，記得之前試過等5小時……我，奶茶爸和奶茶就係咁等等等…奶茶都唔知打了幾多個呵欠…都唔知點解成日都咁多人…但最令奶茶爸忟的是…我地等兩個幾小時，入左去都唔知有無兩分鐘……
今次打針時我乘機問醫生
我：支針係咪會令奶茶好痛架?佢一回家就無黎神氣…
醫生：係架，幾痛架…
我：下…(心裡有點痛)
奶茶爸：係咪要食足90日藥…
醫生：係呀(醫生說話就係咁簡短)
奶茶爸：係丸定藥水呀?
醫生：藥水，好「結」果D
嘩…奶茶爸表情即刻凝重起來，那個當然，因為藥水真係好難餵…仲要係極度難聞的…唉…奶茶努力呀!
每次去診所都會遇到不同的人，有時因為奶茶活潑和熱情，經常引來其他狗主的喜愛…見到奶茶咁多人鐘意，奶茶爸都等得開心D…不過昨日，歲所內的多為細狗，一係就係怕醜狗…奶茶幾熱情都無用…
好似奶茶撩左一隻八哥好耐，八哥都唔理佢，只理隻松鼠仔…搞到奶茶好無癮。最驚係等等有個主人帶左隻松鼠狗黎，起初無乜野，因為係個袋度，點知一出來，見到瞓係度的奶茶居然狂吠，好似發左癲咁，吠左好耐，瞓係度的奶茶卒之忍唔住，吠左佢兩聲…佢3個主人喝佢都無用，主人將佢放入袋，佢又衝番出來，3個人都搞唔掂一隻松鼠狗…最後主人話約第二日少D狗再來……唉…好明顯，狗狗已經當左自己係大佬，凌駕於主人之上…惡到爆……
之後，我身邊坐了一個抱住眼睛做了手術的北京狗主人，她突然問我，你隻狗幾大，我話半歲…她話：我都有兩隻唐狗…我係個愛狗之人…我之前養緊兩隻狗，都係北京，後來我在街見到兩隻流浪唐狗，唔忍心，於是帶左回家…唐狗係幾好，不過真係無乜人肯養，你肯養真係好好…唐狗好忠心，但亦很好動…相反，我的北京狗就年紀大D，好靜…我隻bb的眼就係比唐狗挖左出來…」
我第一個反應係…：「下……唔…」
都唔知說甚麼好…好心酸…我見佢眼有淚光…佢話：「BB天生隻左眼已經睇唔到野，依家又…」我只好安慰佢…並祝福BB…佢話佢丈夫好嬲兩隻唐狗…唔想見到佢地，所以依家佢努力搵緊人要………希望BB隻眼好番，兩隻唐狗都搵到人要啦…好慘…我亦好無奈。
2007年6月19日 星期二
四個月的療程…心酸…痛心
近日我地見奶茶的頭部有點脫毛，佢又抓到甩毛又流血，好驚…好擔心。所以，今日帶了奶茶去睇醫生…點知醫生話奶茶患了皮膚病…
可憐的小奶茶…痛在你身，痛在我心…為何要令小小年紀的奶茶咁慘
………媽咪好心痛…雖然不算極大問題…但問題都唔小。
醫生話奶茶要打四個星期的針(每星期一支)，另每星期要沖兩次涼，沖時要「醃狗」(沖至起泡等待10分鐘…這是我、奶茶爸和奶茶最難捱的時間…想想在傷口上灑鹽的痛苦…好痛心!!!!!!!!!)，另外，還要食足90日的藥…對奶茶來說是「痛苦」的事，這是慢長的作戰，每打一支針，奶茶都會很疲倦，平時活潑的奶茶都變成「謝皮」…好慘…媽咪好心痛…
我好想奶茶快d好番，佢戴住個頭罩，無哂心機，好自卑,回家途中街上d人又望住佢，佢好唔開心，就是在家佢都成日企到硬一硬或坐0係同一位置很久很久，縮哂膊，尾仔都貼住個肚子了…看得我和奶茶爸很心酸。
難得的好天，本想帶佢地去玩…點解!!!!!!!!!點解會咁…奶茶要快d無事好番哂呀
，以後都健健康康呀!!!!!!!!!!!!媽咪和爸爸會好好照顧你架，你都要努力呀!!!
奶茶個頭頂無左d毛……佢抓到損哂…實好痛啦
戴左個頭罩，奶茶無哂心機，縮哂膊…平時佢食野係坐0係度食架嘛，依家佢食野有「難度」…佢個喇叭一撞到野就唔敢郁，企定定……奶茶乖，媽咪錫番，抬起你的頭來!!!!!!好快好番架啦!!
我和奶茶爸為了這件事好唔開心，因為既要擔心佢的身體又要為錢而煩惱……想起都眉頭深鎖…而且照顧佢要好多耐性和心機，奶茶爸又勁忙…我怕佢應接不暇…我又只可以星期六日入去…點先幫到佢…
廣州之旅
藉著端午節假期，我請了假與奶茶爸到廣州玩一趟，這次廣州之旅十分好玩，吃喝玩樂不停，又去了按摩，絕對是hea住玩
好開心!!!!!下次有時間我地會再去^^
(睇唔到相可以按重整)
除了的士，我和奶茶爸最常搭的就是地鐵，廣州的地鐵都幾完善，又快又乾淨，唔錯。
這個就是廣州地鐵的入閘幣，用佢「嘟一嘟」就可以入閘架啦。
這間就是我地入住的「又一居」房間啦，好整潔，好簡約，好舒適，最欣賞是價錢相宜過好多酒店，唔少報紙雜誌都介紹過架!!!
我地今次去的地方是沙面，入住的酒店是「有一居」，這是一家如「寄居蟹」形式經營的酒店，十分modern，房內的擺設唔多，間間不同，乾淨又夠實用。
洗手間都不錯，係無浴缸~
我地住在沙面，周圍有好多特色建築物，很有歐陸風情，晚上更顯浪漫…
建築物的燈光很靚呀。
早上去又另一番味道。
附近有條河流，沿河邊有條浪漫小路，我和奶茶爸都有在河邊漫步呢!!!
這條小橋都很有味道呀!
第二日一早起來，我地去了附近的starbucks hea了一會，這裡很有特色，0係度飲杯咖啡絕對是人生一大樂事。
好環保，皆因佢地用沖完咖啡的渣做煙灰缸內的粉。
我order了一杯mocha，好正，d cream好滑，mocha好出色。奶茶爸要了一杯espersso，佢話係呢度飲野好hea又悠閒!
環境不錯的starbucks，有條長走廊，分3個區域，有室內，走廊和室外。好多老外都來這裡飲野hea下架。
喜歡陽光可以坐露天的。
飲完咖啡，我地去了廣州下九路的蓮香棲樓飲茶，好豐富，好抵食，好大碟…我地兩個都係為食之人，所以叫到成枱都係…勁飽呀!!
呢個蘿蔔燃，有好多蘿蔔絲呢!
廣州有很多人養狗，而且多為純種，如金毛，北京等，就是佢地養的唐狗都好唔同，唔係我地一般見的大型犬唐狗…好似我第一日去到便見度一隻樣似芝娃娃和北京狗，身係松鼠狗般的混種狗……
2007年6月14日 星期四
2007年6月13日 星期三
奶茶爸出trip呀~
奶茶爸又出trip了，今趟佢去日本，我都好想去呀，好耐無去過旅行啦，真係記掛以前的生活~
食得好住得好又有得玩，又可以影靚相……唔知等到幾時先可以再飛呢~
呢兩日我妹妹入來陪我，都好無咁悶~奶茶和菠蘿油仲好喜歡佢tim。好彩呢兩日佢兩個都幾乖，係菠蘿油有時夜晚哀鳴…搞到我瞓得唔好~~前兩晚本來想帶佢地出去行下，但一係街上有很多流浪狗狗，一係就下雨…所以最後都無帶佢地去玩，佢地實好悶了~下次晴天一定要帶佢地去玩下先得!!!
近來，附近的流浪狗真的多了…佢地有好重的地盤意識，帶佢地去街街有點麻煩…因為佢兩個又喜歡撩其他狗，所以得我一個都唔太夠膽帶佢地去行街街…昨晚仲有一隻行左黎我地屋企下面…奶茶仲吠左好耐tim。
講起吠我發覺奶茶的驚覺性真係好高，老遠有人行過或有狗狗走來佢就會吠…昨晚佢突然向著門口吠得好勁，以為有乜事，行去睇下，跟住佢行近電視邊，向著電視吠…原來電視劇中有狗吠聲…隻傻狗，真好笑!!
不過有時我都想佢放鬆d，睡得甜d^^
奶茶唔知因乜事好開心，我好希望佢成日都咁開心^^
奶茶好可愛又乖，佢好保護家人和屋企…媽咪都會好保護你架
菠蘿油又係好開心…我影時都唔記得同佢地玩緊乜lu~
奶茶大特寫~
呢兩日好彩佢兩個都幾乖，係有時打下交，年紀小小的奶茶當然唔夠菠蘿油打啦……
菠蘿油真係要就住奶茶至好呀
尋晚菠蘿油又整親奶茶隻手仔…好驚呀…
奶茶好喜歡伏係度。
菠蘿油成晚係度咬玩具，佢近來好喜歡咬野，連媽媽都咬!!
訂閱：
文章 (Atom)