大球場!!!

之前行山發現左個球場，應該無乜人入去玩架…我和奶茶爸貪佢圍住哂，唔會走狗，所以帶佢地入去玩下。
奶茶、菠蘿油好少機會可以放繩跑，一入到球場，佢兩個就係咁跑，追追逐逐，好開心。我地帶左個球仔去同奶茶菠蘿油玩(奶茶最愛波波)，開心都飛起!
不過之後可能唔會再去……

要行一段小路先入到去球場。

佢兩個入到大球場就好開心

在球場做乜，緊係喪跑喪追啦!

幾有速度~~~菠蘿油隻耳仔呢……

奶茶追過菠蘿油啦

追波~

仲可以撩交打~

玩完做乜…

休息下囉…

又或者…典下…

食下雞條~

曬日光浴…正…續集!

平時奶茶菠蘿油無野做都會曬下太陽…佢地曬得好好笑架，好少同一方向曬既…

菠蘿油：等我曬下前面先…

奶茶：我曬下個背脊先!

奶茶：到曬下側面啦!

奶茶：好悶呀…不如玩一陣!

奶茶：係時候曬前面啦!

菠蘿油：到我曬下個背脊和pat pat啦!

呢張叫做同一方向啦^^

別話：

奶茶被菠蘿油咬損左個頭…

嬲呀~~

呢張係新買既超級暖墊，睇佢地瞓得幾舒服…連媽咪都覺得好舒服好暖…

但係佢既「壽命」只得兩日…奶茶爸昨日回家見到…暖床墊已經變成棉花啦!!!!

激「屎」我啦!!!!信唔信我唔再買床比你地呀!!

跟左我地番屋企~

前日見有時間，就帶了奶茶和菠蘿油去行一陣山。點知發生左一件小插曲~

每次行上山都要經過一個小村落，那處有一戶人家，養了隻唐狗，那狗狗早前大肚，生了幾隻狗bb。每次經過我都忍不住撩下佢地!

當日我們又見到狗bb，就同佢地玩左一陣，再行番屋企，點知行到屋企附近，發現原來有一隻狗bb跟住我地，那時不知如何是好，帶左佢回家先。於是就同狗bb玩左一陣。

我地知道狗b應該是那戶人家婆婆養的，所以夜晚帶番佢回去。

狗b真係好可愛，奶茶菠蘿油都好鍾意佢，不過還是要帶他回家~

我地帶佢番婆婆屋企時，婆婆已經睡覺了，燈都熄了。出來接狗b的，是其餘兩隻狗bb，佢地三隻圍埋一齊不停擺尾，好開心…場面好溫馨!!不過，原來佢地係瞓0係草叢的，突然覺得佢地好慘…咁細隻無得瞓屋…地方又不算乾淨…天氣又凍…無疑不同的人對狗既模式係有不同既……不過佢地總算叫有飯吃，有婆婆養，有地方瞓…但唔知點解心裡總覺得不開心…

送了狗b回家，我又有點掛住佢地…唯有下次再去睇下佢!!!

--------------------------------------------------------------------------------

奶茶菠蘿油對狗b好有興趣!狗b都好喜歡佢兩個

狗b好得意呀!

狗b好喜歡「痴」住菠蘿油~

狗b好大膽，趴上菠蘿油身上~由腳行到去頸~

狗b係咪好可愛呢!

狗b仲未識得點玩…只係用手仔打下打下，好可愛!