深圳一天遊…揼骨去~

上個幾星期好辛苦，因為要做功課…又要番工…好攰。
奶茶爸見我咁疲勞，前日同我一齊上大陸揼骨，果間按摩我地去過兩次，好正架，又多香港人和外國人去，安全又乾淨，不過係貴左d…奶茶爸對我真好!!!

我地按肩又按腳…仲按埋中式穴位按摩…d疲憊舒緩左好多~~~
之後我地去左奶茶爸朋友介紹的重慶麻辣火鍋食飯，好好味…
我唔係好食得辣，所以我食清湯，係咁二食左少少麻辣，真係辣「屎」我，但好好味!!
最正係個醬，麻油好香，加埋d芫茜、蔥和醬酒，正到爆!d野食都好多選擇，乾淨又好味。

有乜野同媽咪講呀?

 

奶茶菠蘿油：和暖的天氣最舒服~~

 

***********************************************************

 

看過coffee媽的blog，原來動物傳心術真係咁神奇 。究竟點樣做到呢樣野既呢…
有時我真係好想知奶茶和菠蘿油諗緊乜。如果佢地聽得明我地講乜或者我聽得明佢地講乜就好啦。

 

奶茶好識表達自己，媽咪和爸爸好快明白佢想講d乜 ，例如咬住毛巾搖搖頭、擔住玩具放0係你面前…即要你同佢玩 ；又例如望住櫃底，再望下你，又黏下你，代表佢喜歡的波波玩具 「look」左入櫃底，想你幫佢攞番…

不過，菠蘿油就無咁容易明白佢諗緊乜啦……