奶茶休息中~

奶茶整親腳仔，暫時無得去街街，只可以在花園玩下，繼續曬佢的日光浴~~
有時奶茶爸都會帶菠蘿油去街散下步，奶茶見無得跟埋去，實唔知咩事…唔知會不會唔開心~
但無辦法啦，帶奶茶出街又會起勢跑架啦…要快d好番先可以玩…
曬住日光浴先啦~~
又係同一個位置…奶茶真專一

曬得幾開心，笑到見牙唔見眼

菠蘿油陪奶茶一齊曬…但佢好似覺得自己主力要睇門口~成日望下有無人行過

奶茶和家姐一齊曬太陽~
睇到個太陽位，就知奶茶點解揀呢度坐~~

太熱，入屋涼番下先!

************************************
在奶茶菠蘿油曬太陽之際，奶茶爸已經開始準備我和他的午餐~
奶茶爸聽到我上星期話，好掛住麥媽的炆冬菇，佢就記住，之後仲煮比我食，連我都唔記得自己提過…奶茶爸真係好
午餐的材料：

好味的冬菇炆雞，正!，送飯一流!冬菇好淋，好入味!

仲有三文魚頭湯!!!

奶茶肚痾又整親腳

尋日收到奶茶爸電話，指奶茶兩隻後腳仔不知為甚麼無力，痛到不能動，抱起牠放落地，即刻要坐，四隻腳仔站立有問題，連去「大大」都腳震震，沒有力
…我和奶茶爸都好擔心…

奶茶爸隨即帶奶茶看醫生，醫生指奶茶的骨無問題，應該是拉傷腳的肌肉，要打4支針，一星期一支，即是…又要每星期去見肥醫生啦~~~

另外，奶茶前日開始又肚痾，醫生又開了肚痾藥。今回真的好「金」…

奶茶爸：見到d藥就知慘…因為要餵~

最緊要奶茶無事，健健康康!!

奶茶妹要乖乖，早點康復，不要再胡亂跑跳和亂食街上的東西啦!!!
不要再嚇媽咪啦!!

這一個月都要好好休養，奶茶要康復才可以去街街啦…
不過，真的不明白，究竟奶茶點樣整親??

(呢d就係奶茶的藥啦~幾多，仲有令佢胃口好d的濕糧~)

(奶茶見到d藥，躲左係枱底~)

*********************************

奶茶依家打左針針，見無咁痛，又跑來跑去…真係激屎!!

醫生話，佢要休息多d架嘛…都唔知點同佢講先明!!!