奶茶,雞脾~ Happy Birthday!!

不知不覺，又一年了。
今日是奶茶和雞脾的生日，奶茶8歲了，雞脾1歲了~~~
生日快樂呀!
你們要身體健康，開開心心，快快樂樂!!
奶茶KEEP住健康開心!
雞脾尤其要聽教聽話，爸爸先錫你架~~

今日有芝士、雞柳、牛展食~~又有得去街街，兩隻野都好開心呀!
你們健康開心，媽咪都好開心!

\

Merrry Christmas~

各位聖誕快樂~~

食食食又一DAY! (Dazzling Cafe和新麻蒲韓燒店)

這個12月過得真開心，因為要清假的關係，KEEP住一星期放一日假，番4日工真係超正!
有時間便去試下假日要排餐死才食得的餐廳，睇睇係咪咁好食。

這日便去試了台灣過江龍Dazzling Cafe和韓國新麻蒲韓燒店


Dazzling Cafe真係好靚，食物選擇主要是意粉和甜品，飲品主要是咖啡和果汁果茶~
我地ORDER了明太子意粉和香辣豬肉碎意粉，甜品是巧克力(麻薯)鬆餅和經典吐司，全部都好食呀，甜品係出色的!

晚上去了食新麻蒲，店子的人流都幾多，但相比一進港時，算是少了。
我地ORDER了護心肉、豬腸、五花肉、泡菜湯飯，價錢都少貴，份量也不算多，好食程度好一般…最正是個紅豆黃豆粉冰，真係好食到無朋友，入口即化，黃豆粉原來咁好食，下次要再食過~~呢個

曬太陽~吸收番D維他命D先

今日又係曬太陽的好日子，這幾日又凍又陰天，難得有陽光，當然要用盡佢，享受一下，雞脾率先去曬，奶茶都無執書，曬埋一份，係好舒服既~~媽咪都吸收番D維他命D先~~

行新路徑卻變地盤~~

今日又去街街了，奶茶爸話今次要行一條新的路線，是一條沿著海邊有草地的路徑，我地由東涌碼頭出發，沿機場的奧運徑行……沿途真的超多地盤…東涌在發展呢……
塵土飛揚…唉…到了目的地…點解都因為要興建港珠澳大橋，整片草地已不再了…
奶茶爸好失望…惟有回頭，到中段的公園玩，不過傻妹奶茶仍然玩得高興，這裡的草地又大又靚，厚厚的，只是濕濕地，但一樣好跑，見到奶茶咁開心，我和奶茶爸都開心番哂
同奶茶周圍去玩，真係好開心，放假是應該舒展一下的~~

Assaggio Trattoria Italiana

與朋友聚會，朋友選了這家餐廳Assaggio Trattoria Italiana
第一次來這裡，位處藝術中心內，甚有格調。尖沙咀也有分店，但總覺得這裡較有藝術味道~~

餐廳較昏暗，但感覺很高級，我們的座位在門口位置，對著海，環境舒適。食物選擇不多，而且份量不算大，PIZZA較為飽肚。我們ORDER了兩個PIZZA、一個意大利飯和一盤seafood stew，味道不錯，是價錢貴了一點。不過，如果三五知己暢談，這裡很適合。