소녀시대 少女時代香港演唱會2013

       上年看少女時代演唱會是由於奶茶爸的同事有免費飛，雖然企位而且很遠，好攰，但可以看到都好開心。
今年，奶茶爸給我一個超級驚喜!!!!!居然買了兩張少時演唱會，最貴的$1680飛給我!!WOO~~超級貴!!!好肉痛!!

這次是座位，而且對Y字台，算好近了!!最重要是坐得舒適，全場氣氛high爆，好開心!!!
真的要多謝奶茶爸那麼昂貴的生日禮物!!多謝老公!

好開心，奶茶爸還送我一個，早前已十分想買的Cath Kidston銀包~~

 

 

換貴價的天然糧! 奶茶，你有福了!

       一直奶茶菠蘿油都是食HILLS，食左好多年了…雖知它不是好野，但見平又OK咁就KEEP住食。但近日終於考慮轉糧，奶茶到了「中女」時期，想佢食好D，所以決定換糧!換貴價的天然糧! 奶茶，你有福了!

 

       在林林總總的有機糧中，真的左挑右挑，身邊又沒有狗友，真的不知哪一種好……@.@
做了很多RESEARCH，最後決定試試這隻加拿大的orijen 狗糧，是雞肉味!天然糧真的貴很多，少一半重量，是HILLS的兩倍@.@，但如果真的好又健康，都值得的!
頭一星期個混合兩隻糧，等奶茶試試適合與否，遲一點適應了，便會全轉這隻糧!
奶茶應該會喜歡!!

行山去：東涌-->沙螺灣

星期日天氣好好，於是帶奶茶出去行個短路程的山徑：東涌-->沙螺灣
由於下午才出發，行了兩小時左右便日落了。
出發!!

奶茶乘涼中!

日落了~~

感受微風!

想去游水，問下daddy!

知道唔可去游水的樣子!!唔肯走的…

無計，太多蠔殼啦……

回程便到附近的泰國餐廳吃晚飯。

以為有得食…

　

 

 

等等下…知就無行…樣都變慘了…

回家甜睡…好攰了

阿信屋：小豆白玉

 

這是在阿信屋買的小豆白玉。
由於十分喜歡吃紅豆和丸子，一見到即買下。
晚上飯後吃，原來…不是想像中好食…
太甜了…而且丸子太硬…又粉…仲要買左兩個添…下次不再買!

飲飲食食：強記飯店

平日我和奶茶爸都甚少煲湯，所以有時都會想飲D湯水滋潤下。

前晚便到灣仔的強記飯店吃飯。
這裡有多款燉湯套餐，包一個燉湯、燒味雙併、油菜和飯。價錢六七十元，不算平，但有湯飲算不錯!!

 

我order了螺頭燉雞腳。甜到入心。

奶茶爸order了木瓜雪耳排骨湯。清甜，排骨好稔。

 

菠蘿油走了…mami好掛住你!

 

菠蘿油，mami好掛住你！！！mami真係好傷心……唔想接受呢個現實!好唔捨得你！對唔住，在你痛苦需要我時，我不在你身邊，就咁比你走左… 你當時一定好驚……
我乜都做唔到……我心好痛!!!
點解花園會有毒蛇，點解會咬到你……點解點解點解…無人可以解答到我…我喊左兩日…個心仍然好痛…在屋企總會想起你在邊度做過d乜野…眼淚又來…
你生前mami對你未夠好…諗到呢到…個心好痛…我好想繼續再愛錫你!!
菠蘿油你好乖，好傻，好天真活潑，又好馴，mami永遠都會錫你，記掛你！
好開心同你生活了7年，同你相處的點點滴滴，你傻頭傻氣的樣，我會記住。
…… 你自由啦，無痛苦架啦。你在彩虹橋，可以同其他狗狗玩，喜歡喪跑到幾時都得！！你開心就得了！
 如果你投胎，下世要做個開心快活無憂無慮的有錢人！健康快樂生活。

mami會努力振作…強忍眼淚…
唔洗記掛我地。一路好走。我地會再見的。

「樽仔奶茶」我終於試到了！

星期日同奶茶爸去探麥爸，之後在上環轉車，剛巧肚子餓，奶茶爸提議到上環市政大廈，吃我一直想試的「樽仔奶茶」！
這家叫「瑞記」的老牌茶餐廳，位不多，但人算多!

這裡的食物選擇不多，來來去去都是餐肉、雞蛋、碎牛、火腿等，可配搭粉麵米或主力：麵包！
我和奶茶爸各叫了兩樽「樽仔奶茶」，有點偏甜，但味道幾好！

我們另外叫了餐蛋包和腿蛋包，熱食幾好，但可能我以為會好好食，所以吃起來覺得有點普通……

原味梳乎厘 Souffle (為食貓食譜)

材料(六人份量)(我自己計番，用了二人份量)
蛋黃 2 隻
蛋白 4 隻
砂糖 4 湯匙
牛奶 100 毫升
麵粉 2 湯匙

裝飾
糖霜 少許

用具
直徑 9 厘米 X 5厘米高 小杯 6 隻


製作過程
1.  預熱焗爐200 C。
2.   蛋黃加入2 湯匙糖打 至奶白色，加入已篩好的麵粉攪勻成糊狀。牛奶入微波爐丁30秒或煮熱(不要滾)，加入麵糊中快手攪勻，或座於熱水上不停攪後，稍為侍。
3.  蛋白打至起泡，加入餘下的2 湯匙糖打至企身，加入麵糊中混合。
4.  將麵糊放入焗杯中，約八成滿，入焗爐焗12分鍾取出，撒上糖霜，即可享用 。

雖然是第一次整，當晚整左兩次才成功。
頭一次因為弄熱牛奶過了火位，煮滾了，所以梳乎厘焗不起，第次弄熱牛奶時小心了，一見它熱便拎起。與麵糊撈均得好，便焗得起，成功!好在!!賣相和味道都好GOOD，比個LIKE自己先!