近日陽光猛烈，天氣好好，奶茶菠蘿油又曬太陽啦，仲曬得好happy!
奶茶最喜歡當然係陽光下曬啦，仲要曬下又入屋hea下，好似人地焗桑拿咁，係少左塊毛巾姐~
菠蘿油就喜歡陰d陰d曬…夠梳干呀~
2008年5月6日 星期二
東涌至梅窩(第一試)
昨日天氣很好，陽光普照，加上我和奶茶爸都放假，緊係要帶奶茶菠蘿油去玩啦!
之前同事想入東涌行的新路線，我和奶茶爸一直都想行，但無時間，今次終於決定去走一趟。
是次行程，是由東涌至梅窩的一段路，因為時間的關係，我和奶茶爸行到去山頂大草地就回程，不算太辛苦，是熱了一點。
好在山路不算崎嶇，原途亦有不少溪澗，景色靚不特止，還有清涼山水飲…奶茶菠蘿油都話：正!!
因為天氣實在太熱，加上怕奶茶菠蘿油頂唔順，所以下午才起行。今次行山之旅大概行用了兩個多小時，不算好耐，沿途經過只少5條溪澗，部分有水，部分乾涸，下雨就唔好行啦!!
之後會經過石屎橋、果樹林、草叢、石仔路…雖然不是我們行慣的平路，但都唔算辛苦，鑒於我地選擇呢條路線，是因為路程的中段有個大草坪，可以任得奶茶菠蘿油盡情跑!!，所以當我地登上山頂時，真係乜野辛苦都唔記得哂!!
因為行一條新路線，所以成日驚怕行錯，好彩奶茶爸醒目，臨行前再看看路線!!今次無乜相相，因為我唔記得帶相機，只係用手機影左d…下次要帶部靚機去影番夠先!!
上到山頂大草坪，奶茶和菠蘿油就狂奔啦~
好熱，飲d水先~
飲完水，又野外狂奔完…佢兩個做乜?
奶茶：我好攰又好熱呀!
菠蘿油：我要食d山草藥…(激屎!)
小草坪好多靚草，左邊望到東涌，右邊望到欣澳，前面望到大海~海風吹來，正呀!!
熟識的朋友都知，奶茶一喜歡果個地方，就會係咁「典」呀「典」!!
奶茶菠蘿油都玩得好開心呀!
菠蘿油同爸爸看海景!
臨走同奶茶玩拋樽樽…原來奶茶係「尋回犬」黎架，每次將樽樽拋出，佢都會將樽樽帶番比爸爸，好乖好叻女呀!!
佢仲玩到唔捨得走添!!
回程，因為太熱，奶茶走左落去山水澗，浸浴，實行做「冰鎮奶茶」!
---------------------------------------------------------------
東涌至梅窩
特色： 鄰近東涌的大蠔灣極具生態價值，是紅樹林和淡水魚的棲息地。大蠔灣有三條具二百多年歷史的古村，分別是白芒、牛牯塱和大蠔，合稱「三鄉」，在清代開始有駐軍防守。村內兩座更樓是現時保存得最完整的更樓。本路線景觀極佳，可俯覽大蠔灣和銀礦灣全景，並會經過著名的銀礦洞、瀑布公園和白銀鄉。
路線： 東涌 → 白芒 → 大蠔 → 黃公田 → 白銀鄉（銀礦洞） → 梅窩
長度： 全程約9公里
適合人士： 8歲起
全程時間： 4小時
前往方法： 乘搭地鐵到東涌地鐵站D出口起步
資料來源：http://www.traveler.com.hk/route/route54.htm
《08拉闊第一場音樂會》
前日去了看叱吒903的《08拉闊第一場音樂會》，這是第一次現場看拉闊，還要和奶茶爸一起看，十分開心。
早知道奶茶爸要去這個show採訪，亦知道今次沒有多餘的飛帶我去，所以我預算和奶茶菠蘿油留在家中看電視~誰不知，當日奶茶爸再問之下，居然有多一張入場券，真的很開心。
《08拉闊第一場音樂會》前晚於亞洲國際博覽館舉行，對我們來說，算是近呢~當晚的歌手有陳奕迅、謝安琪、方大同和EO2等歌手，正呀!!我好喜歡看陳奕迅的show，好high，好正!今次仲有方大同，d歌勁好聽，他跳MJ舞勁型!!奶茶爸向來都喜歡聽方大同，所以我和他都開心「屎」!!
今個show的主角是陳奕迅和方大同，但感覺其餘的歌手的表演「戲分」都不少，特別是Eo2，在這個show盡顯舞技，伙拍eason真的一流!! 他們演唱《流星雨》一曲時扮F4的舞姿，贏得不少掌聲呀!
成場show，好流暢，好high，最尾個大合唱，更令全場場內氣氛推至頂點，大部分觀眾都站起同舞，勁興奮!!
訂閱：
文章 (Atom)