Go!台灣again~

下星期奶茶爸和奶茶媽要去台中和台北玩…

計劃左好耐的「任務」，希望黎緊的一整星期都天公造美!!!

 

奶茶菠蘿油要乖呀!聽麥媽話!!!

佢地好喜歡麥媽，因為一定有好野食，唔知我回來，兩隻小朋友會唔會肥左呢~~

如果有~媽咪回來同你地減肥~

媽咪會好掛住你地架!

S.H.E演唱會真係超正!!!

 

昨日終於都睇左S.H.E演唱會，由買飛到睇，足足等左一個月!!!

一直都唔知邊一場邊個位，緊張左好耐!!!

 

尋日因為阿妹遲放工，又因為在尖沙咀吃飯，搞到差點趕唔切睇開場!!一額汗!!!!好彩最後都趕到，但買唔切螢光棒!!

 

這個演唱會真係超值，不枉我買最貴的飛~~~可惜我前面有個好高的男人，時不時遮住，又咁啱我喜歡的Hebe，在右邊台 (我坐左邊)……如果無左呢兩個因素，我會仲開心!

 

 

一開場見到佢地的cyber look超正!今場佢地sell 風騷，超sexy(動作~)!

hebe的迷你裙真係超短!!喜歡S.H.E，佢地真的超搞笑，最記得Selina話，今日穿短裙，就是要比你地影，儘管向著裙底影~~(當然穿了打底褲啦~)

 

ktv環節都超爆笑，佢地拍左好多個懷舊mtv，hebe唱faye的給自己的情書，唱得超好聽，唱廣東歌超準!

整個演唱會無「握手位」!!!!太可惜了!!!

 

買了新電話：Nokia 6300

Nokia 6300 ALL BLACK~

我部LG機是二妹的前前貨仔，之前我果部超壞而佢又換新機，所以我就用左佢果部LG。

但近來部機頻頻hang，又自動關機，仲要事震事不震，講唔夠兩分鐘就無電~所以要迫住放棄佢…佢其實仲好新淨，加上有好多相和sms…好唔想換機，仲要洗一舉…
不過無計，咁真係用唔到…所以昨晚奶茶爸陪我去買手機。
 
我們行左好耐，因為我決定唔到買咩款邊個牌子…所以行下百老匯又去下people，又去下數碼通又番去百老匯……
搞到奶茶爸好攰…奶茶算是好有耐性架啦…睇左咁耐~~~無佢我都決定唔到~
 
我對手機要求不高，不用多功能，touch機和推機都不是我杯茶，我喜歡平實款，有收音機，有影相功能(無帶相機都可以影下奶茶菠蘿油~)，耐用就ok，所以情有獨鍾Nokia! 一路睇都無合心水，因為Nokia機都有點「娘」~
 
原先決定了買sony ericsson c510，屬新款機，cyber shot系列…千6左右，影相有320萬像數~點知決定買時百老匯話全部售罄~~咁誇!

sony ericsson c510~
 
咁我和奶茶爸就去時代買啦~去到行下豐澤先，點知我「納一納」「睇中」Nokia 6300~~奶茶爸就話拎黎睇下~佢之前在百老匯叫過我睇~~我無睇因為我唔喜歡圓碌碌…點知拎上手又「愛」wor!而且覺得唔係太圓~~加上照價再減又送2G卡和多一舊電，所以決定佢了!!!
 
在銀色、all black和棕色中，睇中all black! 銀色係「賣飛佛」，但唔喜歡佢唔係all silver~~~所以揀左黑色!!
 
雖然是舊款，唔係靚機，但我覺得好靚好用!!!

~相信現今都無乜人會好似我咁 買舊型號唔買新款機~~

中秋回鄉遲來篇~

又到一年一度的中秋節，每年這個節日，又是奶茶媽要回鄉的日子! 因為是我阿嫲大壽!

 

星期六一早便起程回鄉，昨晚回港!加上一袋二袋，所以真的超攰!

 

今年回鄉又見到發仔啦，這個小朋友只大隻了一點點， 較我想像中細~仍然可愛到極! 超熱情，一有人入屋就飛撲錫你，錫到佢覺得夠為止~

 

發仔又在枱底「搵食」!

 

任摸唔嬲!!!

 

 

今年買了一點點狗零食比發仔，但原來發仔都愛「必必波」， 對上一個咬爛了，早知買一個比佢!

起初佢唔知乾雞柳係咩黎架，聞左好耐先知食得，佢食慣熟雞~~我仲以為佢會唔食~點知都食得好滋味!

 

 

發仔無乜玩具，只得一個波波，但堂細佬一家都好發錫佢， 一早一晚帶佢去散步，又比足有餘的美食比佢~都算係咁啦!

 

嬸嬸叫佢：傻仔發!

 

 

 

由於之前佢有一個必必波， 經常咬住在人的腳上印和咬，便可發出必必聲， 所以以為這個膠樽都可以咁做~ 所以一咬住個波膠樽、波之類就追住人的腳來印~超低能，但有時佢咬下咬下d牙會「high」到我地的腳~但都無計~~ 下年一定要買多幾個玩具比佢先得~

 

我諗發仔和奶茶菠蘿油應該好啱玩~

 

今年回鄉好得別，落街和叔叔的街坊bbq賞月，感覺好溫馨~

大家又好friendly，真係好開心!

 

回來買了好多果粒橙…拎屎我既果粒橙!!!

我d妹和爸爸愛飲~~於是買左一打~我地係咪好傻呢，香港都有但都要買來回~~因為真係超平!