Transformers

終於都睇左變形金剛，真係好正，難得奶茶爸陪我睇，好開心。
整套戲都好流暢，有緊張位，有笑位，有型位…無得彈!不過，無想過主角不是柯柏文而係大黃蜂!算啦，一樣咁正!男主角回家搵眼鏡果幕好過癮，佢地d縮骨功好得，好人性化，超好笑!不過麥加登和爵士既死就好似欠了點轟烈…
變形金剛真係好好睇，睇黎續集應該係必然架啦…

寵物展

昨日去了寵物展，今次係我第一次去寵物展，真係好想掃多d平貨。

我和奶茶爸都好開心，因為寵物展真係好多狗狗和貓貓，我地又要睇有乜好野買，又要留意身邊咁多可愛狗狗和貓貓，真係眼都花~~

今次的收獲都幾滿意，因為買到我地想買既野。我地買了兩大包40磅的糧(有排食^^最緊要平過出面，哈哈!)、兩個糧兜、大大包雞條(又係有排食)、豬耳仔、型女頸帶、毛梳。最唔開心係，見到bear寶媽、茶媽有咁多sample，我一包都攞唔到…

奶茶菠蘿油，媽咪一包都拎唔到比你地……

個64安士兜和毛毛梳真係好抵!!!

雞條和芝士係佢地既至愛，所以奶茶爸買個特大包裝比佢地。豬耳仔佢地未食過，今次買黎比佢地試下先!

菠蘿油一歲生日啦!!

 

今日是菠蘿油生日!!佢一歲啦!!!!!好多人入黎同佢慶祝，活動由昨日已經開始。

昨日我的妹妹和爸爸入左黎，奶茶菠蘿油就緊係好開心啦，咁多人同佢地玩。我地帶佢地去左炮台和侯王廟玩，行左好耐，佢地就緊係好夠「皮」好開心啦!!!

今日麥媽和大細孖都入黎同菠蘿油慶祝，麥媽仲請佢地食大大塊雞柳，佢地不知幾開心，大細孖仲同佢菠蘿油、奶茶唱生日歌。菠蘿油奶茶，幾多人錫你地!!!!

菠蘿油：多謝你地!!!!汪汪!!!

p.s多謝阿謊、mi、莉莉奀、麥媽的玩具和食物呀!!!!

昨日好熱呀，你睇，奶茶熱到……

我妹妹帶左幾個史力加頭飾黎，所以同佢地戴黎玩下。

史力加2號勝利!!!

這是買比菠蘿油的玩具!!

奶茶被整蠱了~

奶茶爸成日都鍾意整蠱奶茶架~~

菠蘿油…

喂喂,菠蘿油,我問你,究竟我重要定d拖鞋…仲有d波鞋重要呀???!!!

手機質素較差~~~仲有奶茶好「痴」地，唔係好覺tim~~~

你追我逐~你咬我又咬

奶茶和菠蘿油經常都玩追逐和咬咬。有時菠蘿油贏，有時奶茶贏。當然玩一陣或者如果打打，媽咪就會喝止佢地!!!

佢地玩玩下又去望街街…行動好一致。有時奶茶會跑入狗屋，引菠蘿油入去，無想過佢兩隻都入到去

呢次係菠蘿油贏~

菠蘿油好好笑，成日唔知望左去邊~今次奶茶贏左~~~

與奶茶第一次見面

看見奶茶的成長，真係感觸良多，狗狗真係大得好快。不過依家奶茶大得慢左，唔知佢會有幾大隻?定係好似依家咁?
奶茶本來是一隻流浪狗，後來有一日跟左奶茶爸回家就成為我家的一分子。佢來的時候只得一個多月咋，肥嘟嘟好可愛，仲有個大肚dump。奶茶的名字更係由好錫佢的大孖所改，所以奶茶都好喜歡大孖架!!奶茶細細個就好「痴」人，唔知係咪所有狗仔都係…
昨日又睇番奶茶小時候的相…(我唔見佢地一日都好掛住架)，唔知菠蘿油細個時係點既呢，會唔會好可憐既呢?(因為佢雙眼水汪汪)。
以下是我第一次見奶茶時拍的片，我見佢時，已是奶茶爸執佢回家的8日後，所以大左D LU!!!
(因為用手機拍，所以質素較差…)

 

佢一見我就撲我啦!依家都係咁撲!!

奶茶學落第一級樓梯，高過佢好多架…我話不如抱佢落黎，奶茶爸話要佢學下，試下自己落…當然最後成功左啦!!好珍貴既相!!睇得出佢驚驚架!!

菠蘿油你又黎!!!

今朝好趕咁出門口，又一袋二袋野拎，點知比菠蘿油激死。
我如常咁出門口，行了一陣，見到乳牛流浪b(我幾喜歡佢架，仲好想拎佢番屋企養tim，不過次次撩佢都唔理我)，見佢孤身隻影(平時同一大班流浪狗一齊)，我咪撩一撩佢，點知都係唔理我，仲走左去…咁我咪走囉…行左唔夠幾米，我有點唔放心，回頭望望，隻菠蘿油居然一支箭咁奔左出黎，嚇到悠悠閒的乳牛b狂走，佢仲係咁追住乳牛b，唔知去左邊，激死我啦，我企係度等佢，我知佢會自己行番落黎，等左一陣，佢終於回來，我即刻引佢番屋企，點知一個屈尾十，我出門口再回頭望，佢又0係我背後，都唔知佢點出黎架，真係火都黎理，媽咪遲到啦…佢仲0係我面前跑上山…依個時候奶茶爸偏偏又瞓到…唉…我逗左好耐先逗番佢落山…最後我要困住佢先走得，仲要跑去追車，上唔到要等四個字架嘛!!!!

右邊就係乳牛b啦，係咪好可愛呢!(我見佢似乳牛，所以改左個咁既名…)

診所篇~

前日我們又帶左奶茶去睇醫生，每次去診所體驗都很多。在我地無事幹的時候，主人們都愛傾兩嘴。

今次撞番好耐之前(奶茶仲係好細時見過的)老虎狗主人，佢主動同我地講野先記得佢咋，佢的狗狗又係有有皮膚病，講下講下，我地隔離的北京狗主人的狗狗又係有皮膚病，成間診所中的狗狗就有4隻有這類問題…唉…不過呢個天氣加上香港潮濕，真係好容易有這個問題，醫生話要保持地方乾爽，真係要小心!!!

講下講下，北京狗主人提起寵物店，依家真係有好多無良的寵物店(可能有d好的)，佢話之前帶左佢的狗狗去剪毛沖涼，點知回家後發現加狗狗的皮膚底層有個大傷口，應該係寵物店的人硬來所致…真陰功。另一個狗主又話：「係呀，上次我經過一間寵物店，佢地用好殘忍的方法同狗沖涼，就係用條大麻繩將狗狗吊起來(即好似吊頸咁，唔係綁住!!!!)…佢地見我望到，即刻拉窗簾…」話!!咁殘忍，就算狗狗掙扎都唔洗吊佢地頸呀…太可惡啦!