奶茶爸又出trip啦~

25-28/4

 

奶茶爸又出trip啦~今次是去四川，同熊貓來個大接觸~

佢仲會去都江堰睇睇當地情況~好似好有意義~

 

好掛住奶茶爸呀~唔知佢食咁多麻辣野，會唔會孖潤腸咁番黎~

 

25/4

 

這幾日奶茶菠蘿油都由我來照顧，今日我爸爸和妹妹都入黎陪我。妹妹話好想同奶茶菠蘿油玩，索性入黎小住一日。

首先我要執好隔離間房……好大的工程，執左好耐，成面和頭都係塵，洗埋衫~攰到爆…終於比我執好，但有好多雜物還是不知如何處理~等奶茶爸番黎問下佢先~

呢晚無落雨，我和妹妹帶佢地出去散步。

 

26/4

 

今日雨落個不停，星期日我家人仲入黎探佢地，可惜全日都落雨…原本我媽媽想入黎打掃屋企和種下野架嘛~真掃興!

落住雨我和家人都有帶佢兩個出去玩，菠蘿油依家要去街街先大大~

 

27/4及28/4

 

反而好好天，激「屎」~可惜要番工。一早起來見到陽光~久違了的陽光~即刻放奶茶菠蘿油去花園，奶茶見到陽光好開心，即刻曬太陽~

真係好想請一日假帶奶茶菠蘿油去玩~

奶茶爸下午便回來啦~

我和奶茶菠蘿油都好掛住你呀!

終於考到急救證!

經過3個月時間，終於上完十堂急救課堂。考完試後，上個星期終於取得合格證書!
真的很開心，學到東西之餘，也有多一份認同!

復活節去游水水~

好耐無寫過奶茶菠蘿油啦，大家有無掛住佢地呢?!

今個復活節，媽咪就去左台灣旅行，奶茶菠蘿油都唔執輸，在奶茶爸的帶領下，去左游水水和行大東山 (唔知有無3分1~)

大東山條路唔易行架，要上好多級樓梯，行到腳仔軟都未上到去~

大約行左3分1路，奶茶爸便回程，回程時，奶茶行到攰攰，要趴地休息~

睇下佢地行到個攰樣，幾pei~

奶茶：sir落黎會唔會無咁攰~

菠蘿油：好熱呀~

落到去平時行開的行山徑，必經兩個大溪澗，是奶茶最愛的一號池和二號池。因為水多又清，愛游水水的奶茶又點會錯過。 今次游二號池~

奶茶爸帶佢兩隻野去左游水~d水好清，當日又熱，奶茶游得好暢快~

見水即標落去~

後腳一撐，go~

奶茶：好舒服呀~

轉塘~~

奶茶最愛打起d水，然後咬……所以經常飲左好多水~

d水清到見腳仔~

奶茶爸：奶茶~過癮嘛?

奶茶：hehe~

菠蘿油呢? 仲測試緊水溫~~~

遲d呢度會開個燒烤場，好大架，(唔知幾時起好~)

到時入黎行山、燒野食都ok架~

菠蘿油去睇下個場先wor~

果日番到屋企，奶茶爸都超攰~~

奶茶菠蘿油更加係變左…謝皮和謝哂~

台北4日3夜之旅 ：Day 4 (12/4)

行程：台灣故事館、光南大批發、西門町

今日睡到8點45分才起床，因為今日要行的地方不多。在酒店吃完早餐。出發去台北車站。在5號Z1出口轉左，即新光sogo隔壁便是台灣故事館 (10時左右開門)，入場費 NT$200/位。有點貴。不過都真幾有特色。

扮野相~~~有MOOD嘛…

 

 

超好玩~玩到不捨得走~

 

 

我們在這個課室玩了很久~~~

我在這裡買了一盒超香的爽身粉 NT$20 (後來發現光南大批發賣$NT10…oh no~)

光南大批發，甚麼都有得賣，文具、電器、化妝品、食物、唱片…因為批發的關係，很便宜~~掃貨熱點~

之後沒時間逛台北地下街，我們便要回西門町了。

之前想食的蛋蛋屋 (因為晚上9時30分關門)今日終於吃到。我們叫了好多東西~全部都好好味，以蛋包飯最出色!!

吃完午飯，我們買了mister donut回港吃。另買了珍珠奶茶在去機場時車上飲。

3時，我們回到酒店，乘早上call的飛狗車，去機場了~~

4時30分到了機場。發生小插曲，便是查來查去都沒有我們的班機，原來我們在TERMINAL 2，要在TERMINAL 1 CHECK IN。

最後要搭機場電車去TERMINAL 1。浪費了一點時間。
在機場發現有人按摩，入去看看，原來是免費的，只要去隔壁的商店，取個代幣便可享受10分鐘的全身按摩，按完剛剛好時間登機。正!!

7時10分起飛，9時15分，回到香港了~
我們今次買的手信不算多，美麗日記和SKINFOOD都入左D貨，因為平過香港啊~~

四日的行程完結了，真的不想回港，還有很多地方未去和許多食物未吃~~唯有下次再去玩過~~