2007年10月30日 星期二

「超」型女!

之前見麗麗戴黑超咁型,搞到我都想幫奶茶菠蘿油玩下…

http://sunglasshut.she.com/?id=675

http://sunglasshut.she.com/?id=676

請投奶茶菠蘿油一票!!!

來源:特工blog~

http://hk.myblog.yahoo.com/myhoney-hakhaklailai/article?mid=4472&prev=4501&next=4466

早晨啦!奶茶~

每朝早起床,一定見到奶茶0係門縫度「裝」我和等我出黎。

一早起床見到奶茶咁樣歡迎媽咪,真係好開心,好想衝出去抱住佢。

事源奶茶好乖乖,唔會亂咁入我房,除非媽咪允許,所以佢成日朝早都係門口叫媽咪出去…


2007年10月22日 星期一

1021行山去:深屈~~

昨日我們又去了行山,今次的目的地是深屈,這地方是奶茶爸小時候婆婆住的地方,很美的啊!

經過奶茶爸做足research,得知我家附近侯王廟有條行山徑,聽說是很容易行的,所以我們決定行下,帶奶茶菠蘿油去玩之餘,又可以重遊舊地。

昨天因奶茶媽「難瞓」的關係,最後要奶茶入房叫媽咪起牀,奶茶媽才起身~所以,弄至兩點多才出發。

奶茶爸指全程大約須時3小時,不過我們足足行了四個半小時,可能是因為我們休息、影相和行得太慢之故~~

沿途的路都很好行,皆因都是石「屎」路,不過因為都有些行山人士,所以我們不能全程放狗,搞到有時要綁番奶茶菠蘿油。

此徑周圍的風景都很美,有海灘、樹林、碼頭,仲可以望到機場,的確不錯。

起程前影張相先~

沿途風景好靚呀~

~

望到機場架~

奶茶:入啖山水先~

媽咪:奶茶dd好啦~

行左3分2就日落啦,要行快d先得啦~

全程最辛苦係呢條「長命斜」…'

我最怕行斜路…

奶茶仲乜「bei」菠蘿油呀~

好有趣的樹~

到了深屈啦~我地仲探左三婆,佢請我地飲涼茶,好解渴呀!

奶茶笑得咁得意既~

望海的菠蘿油~

菠蘿油,仲乜扮憂鬱呀~

由於行到六點幾,天都黑了,所以我地決定乘船回去…

想唔到奶茶菠蘿油第一次坐船唔係渡海小輪,而係「卜卜仔」。

奶茶見到船船時,係咁吠。菠蘿油仲做左「走狗」,爭脫頸帶,跑番上岸。

上到船,佢兩個好驚驚,尾仔縮到肚腩度,要我和奶茶爸抱住先定d。

奶茶菠蘿油:好大風啊~

2007年10月9日 星期二

1007唐狗會秋郊遊

星期日終於參加到唐狗會的活動,十分開心。想不到第一次參加活動便是行山之旅,都幾辛苦架,不過好值得。我和奶茶爸已經很久沒有行山了,今回的行程是由烏蛟騰 -> 三椏村(食晏) -> 烏蛟騰,全程足足行了5個小時~~~真的攰爆~

當日天氣原來有32度,真係熱「屎」人。我地一家四口最怕就係熱,特別係奶茶,超「吸熱」……'  所以我地帶左兩支大大水,但原來都係唔夠飲。起程無耐就飲左一大支,我驚佢地唔夠水水飲,我都唔夠膽飲太多。這個旅途都幾辛苦,因為真係好熱,加上佢兩個又係咁搶繩,搞到我和奶茶爸無哂力~~~所以最後我地決定放佢地,由得佢地投奔自由…其實我有點驚會有走狗事件,好彩佢兩個都好乖,行前無幾耐又回頭望一望我和奶茶爸,仲會走番黎我地身邊,等我地摸幾下先再向前行,真抵錫!!!!!

想不到烏蛟騰原來係一個好靚的地方,山路雖有點崎嶇,但勝在風景好,辛苦都所謂了。那無敵大海,小草地,紅樹林…風景多麼怡人。最鍾意沿途有溪澗,樹蔭,不至於熱「屎」…可惜我要顧住兩個小朋友,無暇影相相,搞到我影左好少相咋~

今次活動真係好開心,除了可以同奶茶菠蘿油去玩。最開心係見到一眾媽媽和小朋友們,場面認真墟冚。最衰我影既相相唔多~仲無肥bil和奶茶的合照…期待下次有機會再參加活動!

行山之旅,最開心就係奶茶和菠蘿油啦,通山跑來跑去,來來回回,奶茶有得游水水,菠蘿油有得跑泥地…不過回家沖涼就苦了我和奶茶爸了…
我仲係菠蘿油身上發現左隻牛b既物體,嚇「屎」我啦…

另外,仲要多得豬仔媽,我地先可以「痴」車坐。因為真係好遠,我地又無車車。再次多謝茶茶和茶茶哥哥。












你係邊個呀?


奶茶個pat好好笑,好得意呀













肥bil個「豪華臂」~

















想起…我無摸過p仔和叉燒,好唔開心,下次見面一定要摸番!!!















奶茶:姐姐好誘人呀!

菠蘿油:我要話比大家知,我係一個淑女。

我又可以好英架bor~~哈哈…





邊個個pat呀!


又邊個個pat呀~



奶茶:好熱呀~~


回應之前post~~~~

花生糖媽,我聽p仔媽和豬仔媽講,花生糖同奶茶差不多大,我都好想見下你地呀。

大孖,我之前同你講過架,唐狗會今次係行山活動~下次我地再去。

莉莉奀,下次問埋你。

茶茶今次真係麻煩你啦,我都鍾意奶茶細細粒。 豬仔都好大隻好英。

coffee媽,我,奶茶爸和佢地都好攰呀,行左成5個鐘~

bil媽我都想同奶茶肥bil影相相,集合時唔記得影,回程時我又攰到唔記得左~下次一定要影番!!

阿雪,菠蘿油真係好開心呀。回家就攰到飛起~