今日是一個重要的日子，因為今日是奶茶妹一歲的生日
。不知不覺奶茶就一歲了，除了佢，奶茶爸和奶茶媽都好開心
!!
今日奶茶全日笑不停。奶茶爸和奶茶媽昨日已經帶佢和菠蘿油去左行山大玩一餐，今日奶茶媽的妹妹們又有入黎同佢地玩。愛錫奶茶的大孖更有生日電話祝賀。
奶茶：多謝，大家
!!!
奶茶媽祝奶茶身體健康，日日開心，媽咪錫哂你
P.S.行山時，有途人讚奶茶個樣好可愛又精靈，菠蘿油好型…媽咪聽了真係好開心。
應應節!!!
奶茶：祝大家聖誕和新年快樂!!
菠蘿油：我都要同大家講，聖誕和新年快樂!!
奶茶行山成日都滿臉笑容
行山期間，菠蘿油唔知仲乜野…
番到屋企，奶茶和菠蘿油仲係好開心!!
除了有得玩，今日奶茶媽比左好多野奶茶食，第一樣係好香的雞肉芝士濕糧，連我妹都話好香
仲有雞柳^^
奶茶期待中…
有好野食，當然有菠蘿油份啦
向來少看舞台表演，並非不喜歡看，而是實在昂貴。
昨日有幸和奶茶爸看了一個十分值得看的show：《SNOWSHOW》，實在令人讚不絕口，從未看過一個可以如此用盡舞台，與觀眾互動的表演…真的很開心。
《SNOWSHOW》在多個地方上演過，而且十分知名。每一幕都有意思，可惜我不是每一幕都明白~
《SNOWSHOW》的場景變化很多，Slava Polunin的搞笑技術不容置疑，另一值得提的是「雪」。以紙屑營造的飄雪場景變化多端，縱然是紙條，但於不同的燈光和布置下，都有著不一樣的效果，既可是浪漫的襯托，也可作為嬉戲的「工具」，一流!!!
最喜歡最後一幕，如上帝降臨的風雪…真的很震撼!!還有那大大小小的皮球，從舞台上滾下來，為全場的觀眾增添不少歡樂氣氛，亦為整個節目帶來完美的句號。
what's《Slava's SNOWSHOW》?
《Slava's SNOWSHOW》是俄羅斯著名丑角大師Slava Polunin的作品，揉合了形體、舞臺視覺效果和著名的樂曲，表現出天馬行空的創意和令人讚歎不已的舞臺效果。
《SNOWSHOW》全劇沒有台詞，以豐富的動作，與觀衆的互動，通過滑稽而夢幻般的特有的語言和環境，傳達出悲傷與孤寂之情，卻不時令人有喜悅之欲，把冷靜和狂喜都夾雜在體驗過程之中，成爲一部既震撼又能貼近人心的經典巨作。自十四年前在莫斯科的普希金中心創立開始，已經遊走了世界各地30個國家及100多個城市，在全世界熱愛藝術的城市裏一次次揮灑暴風雪所帶來意想不到的種種人生體驗。
斯拉法說：「雪是最潔淨的東西，好比你的心。就像在一個乾淨紙上,詩人會用自己寫詩歌來表達那塊潔淨的地方，就在同一時間，驚恐、幸福、喜悅、哀愁、興奮、微笑、狂喜……它包含了一切。」
終於都回來了，去左5日旅行，真係好開心。今次我和奶茶爸去左馬來西亞的沙巴玩，好正、好relax、好hea!!!真係唔想番香港，果度真係一個無憂無慮的地方。
一番香港就好多野煩，hea完係有代價既…呢兩個星期要做埋果3份大project，仲要應付埋個考試…好多野做，咁快又忙過…
不過番黎最開心係又見番奶茶菠蘿油，係沙巴，我和奶茶爸都好掛住佢地，時不時想像，佢地係果個大沙灘和大草地玩…
呢兩日都專登帶佢地去行山山，等佢地玩番夠本!!!
ps>呢幾日奶茶菠蘿油無去到狗酒店，佢地係屋企，皆因偉大的麥媽(奶茶爸的媽媽)呢幾日入左去照顧佢地，真係辛苦佢，奶茶菠蘿油真係要鍚番麥媽先得!!!!辛苦麥媽!!!
近來好忙又好多事發生…
奶茶媽的媽媽前幾日入左院
…公司又搞人事變動…功課又多到做唔切…心情都不太好。不過…今日好多了，因為媽媽終於出院…但仍須慢慢康復…爸爸就好多了…功課就唯有慢慢做…
最煩是公司問題…阿頭走後…是否唯命是從就可以…
期望老世會再請人…不然日子難捱…
終於等到下星期放大假…奶茶媽要去散散心…
所以有一段時間陪唔到奶茶菠蘿油，是時候要諗諗，幫奶茶菠蘿油搵間好酒店住先得…
請問大家有無好介紹呀??我想奶茶菠蘿油住得舒適又安心。最好價錢經濟…謝謝!
-------------
今次是奶茶菠蘿油第一次離開屋企去第二度住…我都好擔心…驚佢地唔適應，又掛住我地…以為我地唔要佢…可能我想多左啦。
我會好掛住佢地架…真係好想去到邊都帶埋佢地去…一齊玩實好開心。
之前見麗麗戴黑超咁型，搞到我都想幫奶茶菠蘿油玩下…
http://sunglasshut.she.com/?id=675
http://sunglasshut.she.com/?id=676
請投奶茶菠蘿油一票!!!
來源：特工blog~
http://hk.myblog.yahoo.com/myhoney-hakhaklailai/article?mid=4472&prev=4501&next=4466
