菠蘿油：你成日「痴」住我既~

奶茶係好喜歡菠蘿油架，好似上次菠蘿油係我腳邊瞓左，奶茶本來0係我前面瞓緊，卻突登走埋菠蘿油隔離瞓，好好笑。

有時菠蘿油又會走埋奶茶度架WOR。

當然佢地又會有打架的時候。
好似上次菠蘿油係咁咬奶茶，搞到奶茶驚到躲在櫃底，奶茶爸就罵左菠蘿油一頓啦。

奶茶驚驚

今日帶了奶茶去拆線，終於可以拆線啦。奶茶當然開心，因為悶左十日，又無得去街街…加上奶茶真的很不喜歡那頭罩，今日終於可以拆埋啦。由於今日媽咪要番工，這個工作就要由奶茶爸負責啦~奶茶爸話，奶茶去到診所成日嗚嗚聲，站在門口不願入去，又釀著要走，她應該是記得之前desex的事，所以顯得好驚驚，更係有陰影~~~…最後當然由奶茶爸抱佢入去啦。

因為前日發現奶茶個傷口腫起左一大舊，很擔心。今日奶茶爸就問醫生是甚麼事，原來是因為奶茶郁得太厲害，搞到傷口有出水情況，不過醫生話等佢自然消去就好了，好彩無事。不過都係要小心d。

奶茶要健健康康啊!!!媽咪錫番你!

p.s~~

近來少了update，因為媽咪要上學去。一星期3日課真的很疲倦，加上工作量激增…日子認真難捱~~~

奶茶要好好休息

昨日帶了奶茶去desex，上次菠蘿油desex已經搞到媽咪好心痛。昨日診所好多人，與平時一樣。奶茶初到診所時，還不停撩其他狗狗玩，到佢要入去時，就顯得怕怕，尾仔縮到去肚腩，pat pat貼住個地下，姑娘就拉住佢入去，媽咪睇到都覺得好慘慘…就說了一句：姑娘，不如抱佢入去…(唔好拉佢)

等左5個小時，我和奶茶爸回診所接奶茶…通知了姑娘，佢就帶奶茶出黎，想不到，奶茶自己行出黎(姑娘拉住)……我和奶茶爸都愕然，點解唔係抱佢出黎既????(上次菠蘿油都係抱出黎架!!!!)

我見到奶茶出黎，行到灑醉拳咁，企都企唔穩，心都痛埋，即刻同奶茶爸講抱番佢。奶茶好堅強啊，做完手術，麻醉藥未過就自己行出黎，真係好叻叻。

媽咪見到佢個傷口真係心都痛埋。奶茶一出黎時，佢仲唔睬媽咪，佢應該係嬲左我，我摸佢右邊就望去左邊，摸佢左邊就望去右邊，真係令媽咪好唔開心。不過，好彩，回到家後，奶茶就無嬲媽咪啦。

奶茶要快d痊癒，好好休息，好番同菠蘿油玩!!!!

依家又要隔開佢兩個，菠蘿油就顯得唔開心…佢以為媽咪爸爸唔理佢…媽咪都唔知點算好…點令菠蘿油明白…佢又無乜胃口…

------------------------------------------------------------------------------------------------------------------------------------------

奶茶番到屋企，媽咪想佢好好休息,點知佢成日周圍行。睇得出佢好痛，好攰…佢輾轉左好耐先搵到好既姿勢，睡覺覺。

熟睡奶茶。